अर्घाखाँचीमा दुई रेडियो झण्डै एक करोडको लगानीमा खुल्दै

Loading...
घनश्याम पौडेल

जिल्लामा दुई ओटा रेडियोहरु सञ्चालनमा आउने भएका छन् । दुइ रेडियो खुलेपछि रेडियो संख्या ६ पुग्ने भएको छ । नयाँ रेडियोको दर्ता पक्रिया सकिएकोले दशैं वा तिहार अघि नै रेडियोहरुले परिक्षण प्रशारण सुरु गर्ने गरि तयारी थालेका छन् । नागरिक जागरण अभियान द्वारा रेडियो पाणिनि र रुपान्तरणका लागि आवाज नामक सस्थाबाट रेडियो सगर्व सञ्चालन हुँदैछन् । दुबै रेडियोहरु पाँच सय वाटमा प्रशारण हुँदैछन् । पाणिनि ९०.६ मेगाहर्जमा र सगर्व ९५.२ मेगाहर्जमा प्रशारण हुने बताइएको छ ।

एक रेडियो स्थापना गर्न करिव ४० देखि ४५ लाख लागानी लाग्ने सञ्चालकहरु बताएका छन् । रुपान्तरणका लागि आवाजका सचिव गणेश खनालले समान खरिदको लागि पक्रिया अघि बढाइसकिएकोले छिट्टै प्रशारण हुने बताए । नागरिक जागरण अभियानका सचिव अर्जुन भुसालले दर्ताको पक्रिया पुरा भएकाले अब रेडियो जडानको काम थाल्ने बताए । उनले संभव भए सम्म दशै अघि नै प्रशारण थाल्ने बताए । जिल्लामा एकै पटक दुइ ओटा रेडियो खुल्ने प्रचलन रहेको छ । पहिलो चरणमा रेडियो देउराली र अर्घाखाँची, दोस्रो चरणमा सुर्योदय र नयाँ एफएम सञ्चालनमा आएका थिए । तेस्रो चरणमा पाणिनि र सगर्व प्रशारणमा आउने पक्कापक्की भएको छ ।
Loading...
Share on Google Plus