सुनको शौचालय

असोज १ – भनिरहनै पर्दैन कि सुन महंगो धातु हो । त्यही भएर त केही तोलाका मात्रै सुनका गरगहना लगाउन पनि ठूलो रकम खर्च गर्नुपर्छ । 
हाम्रो समाजमा सुनलाई पवित्र धातु पनि मानिन्छ । त्यही भएर खुट्टामा सुन लगाउनु हुँदैन भन्ने मान्यता पनि छ । तर अमेरिकामा सुनको शौचालय बनाइएको छ । अमेरिकाकाको न्युयोर्क सिटीको एउटा संग्रहालयले सर्वसाधारणका लागि सुनको शौचालय प्रयोग गर्न अनुमति दिएको हो । १८ क्यारेट सुनबाट बनाइएको शौचालय पहिलो पटक सर्वसाधारणका लागि खुलाइएको हो । 
गगेनहेम म्युजियमका इटालियन कलाकार माउरिजियो क्याटलेनले म्युजियमको चौथो तलाको शौचालयलाई १८ क्यारेटको सुनको शौचालयमा परिणत गरेका हुन् । त्यहाँ पुगेका दर्शकले अन्य सुविधा सरह त्यो शौचालय पनि प्रयोग गर्न सक्छन् । 
यो सुनको ट्वाइलेट १६ सेप्टेम्वर देखि प्रयोगमा ल्याइएको हो । संग्रहालयले आफ्नो वेवसाईटमा यो ट्वाइलेट कलाकारको कला प्रष्फुटनका साथै अमेरिकाका आम नागरिकको सपनालाई वास्तविकतामा बदल्ने प्रयास भएको दाबी गरेको अमेरिकाको अनलाइन द न्यु योर्ककरले खबर छापेको छ ।  
सुनको शौचालयलाई अरु शौचालय जस्तै गरी प्रयोग गर्न सकिनेछ भने यसको सरसफाईका लागि विशेष व्यवस्था गरिएको छ । प्रयोग बढ्दै जाँदा सुनको चमक फिका नहोस् भन्नका लागि सरसफाईमा विशेष व्यवस्था गरिएको छ । 
मूर्तिकलामा निपूर्ण मानिने कलाकार माउरिजियो क्याटलेनले कला जगतबाट सन्यासको घोषणा गरेको पाँच वर्षपछि सुनको ट्वाइलेट बनाएर धेरैको ध्यान खिचेका हुन् । 
Loading...
Share on Google Plus