देश विखण्डनकारी विरुद्ध कडा रुपमा उत्रियो नेपाली सेना, दबाब बढाउँदै

काठमाडौं, १७ माघ । मुलुकका प्रमुख राजनीतिक दलहरूलाई नेपाली सेनाले तराईमा गतिविधि बढाउन र विखण्डनकारीहरूको एजेण्डालाई काउन्टर गर्न दबाब बढाएको छ ।
सेना स्वयंले पनि तराईका सामाजिक काममा हातहालेर जनतामाझ विश्वसनीयता बढाउन खोजिरहेको छ । तर यो राजनीतिक उद्देश्यका लागि होइन, सेनाको सघन सामाजिक उपस्थितिले तराईमा विखण्डनको प्रभाव रोकिन्छ भन्ने हिसाबले भएको बुझिएको छ ।
दुई महिनाअघि (मंसिर पहिलो साता) पृतनापति बैठक राखेर सेनाले प्रत्यक्षरुपमा राजनीतिप्रति निजकबाट चासो र चिन्ता मात्रै राखेको छैन, देश विखण्डनको डिलमा पुग्न लागे आफ्नो भूमिका स्पष्ट रुपमा निर्वाह गर्ने चेतावनी दिइसकेको थियोे ।
अहिले दलहरूका गतिविधि तराईमा बढ्नुपर्ने भन्दै शीर्ष नेतालाई सैनिक नेतृत्वले दबाब बढाउन थालेको बुझिएको छ ।
विश्वस्त स्रोतका अनुसार सेनाको स्पष्ट सन्देश आएको छ । उ राजनीतिमा संलग्न हुँदैन बरु विखण्डन रोक्ने दलहरूको प्रयासलाई पछाडि बसेर सहयोग गर्छ । तराईमा सदभावका पक्षमा राजनीतिक गतविधि बढोस् भन्ने सेनाको चाहना रहेको एक जर्नेलले बताए ।
-तरुण साप्ताहिकबाट
Loading...
Share on Google Plus